Familiekin izaten ditugun ikasturte hasierako bilera egiteko datak eta tokiak hurrengokoak izango dira.
Prebentzio neurriak betetze aldera, familia bakoitzeko pertsona bakarra etorriko da:

3. ziklokoak: irailak 22, asteazkena, 16:30etan. Liburutegian

1. ziklokoak: irailak 27, astelehena, 16:30etan. Liburutegian

2. ziklokoak: irailak 29, asteazkena, 16:30etan. Arexola gelan.

Haur Hezkuntzako 2 eta 3 urtekoak: urriak 4, astelehena, 16:30ean. Liburutegian

Haur Hezkuntzako 4 eta 5 urtekoak: urriak 6, asteazkena, 16:30ean. Liburutegian

Unibertsitateaz kanpoko ikasleak eskolatzeko ikasketa-beketarako eta laguntzetarako 2021-22 ikasturteko deialdia zabalik dago. Informazio gehiago Hezkuntzako webgunean.

EPEA: uztailaren 24tik irailaren 30era eskolan edo online.

Beka eta diru-laguntzen zenbatekoak eta motak, eta ekonomia-baldintzak ikusteko klikatu hemen.

Ekainak 11, ostiralean Goiko Burbuilekoek ere ikasturte bukaerako txangoa egin zuten.

Oraingo honetan Motrikura joan ziren. Lehengo Nautilus Museo eta Interpretazio zentrua bisitatu zuten. 

Aguro, aguro bazkaldu eta bertako igerileku naturalean igeri eta saltoka ibili ziren. Hauek ez zuten izan denborarik izozkia jateko, orduan aste honetan jan dute.

Ikus egun horretako argazki batzuk.

Ekainak 11, ostiralean, Beheko burbulaiko ikasleek ikasturteko azken txangoa egin zuten.

Lehenengo, autobua hartu eta Azpeitiraino joan ziren, han Trenaren Museoa ikusi zuten. Azpeitin autobusa hartu eta Getariara joan ziren.

Getarian hamaiketakoa azkar azkar jan, eta itsasoan urteko lehendabiziko bainua hartu zuten.

Itsasoari begira bazkaldu zuten, eta autobusa hartu aurretik izozki zoragarru bat hartu ere.

Ikus egun horretako argazkiak.

Aste honetan bisita berezia izan dugu. Anitzen aita, Ekaitz etorri da gure gelara bere lankide batekin eta beraien lanbideari buruz hitz egin digute.
Suhiltzaileen egunerokoa, eginbeharrak eta bizi izandako esperientziak partekatu zituzten gurekin.
Mangerarekin "praktikak" egiteko aukera ere eman ziguten...
Zoragarri pasa genuen. Ikus argazkiak
Mila esker bikote!!

Joan den ekainak 1ean, Paraiso Antzekitaldearen eskutik Lunatikus Zirkus ikusteko   aukera ezin hobea izan genuen. Kultur etxera joateako beharrezkoa genuen guztiok zerbait jantzita eramatea. Gehiago jakin nahi baduzue, ikus ondorengo argazkiak.

Jaso diren eskolako izenak aurrez adostutako irizpideak betetzen dituzten edo ez erabakitzeko astelehenean elkartu ziren eskolako ordezkari eta Elkarbizitza Batzordeko kideak.

Proposatutako izenen artean onartutako eta baztertutako bi zerrenda osatu dira, eta onartu ez diren izenen kasuan, betetzen ez duen irizpidea adierazi dugu.

Hala ere, zerrenda aztertu eta erreklamazioa egiteko aukera zabaldu da gaur eta bihar, aramaioeskola@aramaioeskola.eus helbidera idatzita egin ahal izango da.

Erreklamazio epeal, amaituta, maiatzak 26an lehenengo bozketa eguna egingo da Hezkuntza Komunitatearen artean. Boto gehien jaso dituzten izenekin zerrenda berri bat osatuko da, eta bigarren bozketan, herritar guztiek parte hartzeko aukera izango dute.

Bihar hasiko da eskolaren izen proposamenak egiteko epea. Epea, maiatzaren 7tik 17ra izatea adostu dugu ordezkari bileran. 

Izen berriak proposatzeko aukera herritar guztiek izan dezaten proposamenak egiteko kutxak herriko liburutegian eta Kintelenan egongo dira. Hala ere, emailez aramaioeskola@aramaioeskola.eus helbidera bidalez ere egin ahal izango dira.

Talde batetik irizpide berri bat proposatu zen eta ordezkarien artean irispide hau aurretik adostutako irizpidetako bat (5. irizpidea) osatuz jasotzea adostu zen. Beraz, hauek izango dira irizpideak:

1. ERREZPETUZKO IZENA IZATEA.
2. HIZKUNTZA EUSKARA IZATEA. 
3. BAKARRA IZATEA: IZEN BEREKO ESKOLA EDOTA ELKARTERIK EZ EGOTEA.
4. ARAMAIOKO TESTU-INGURUAREN, HERRIAREKIN LOTURA IZATEA (NATURA ETA MITOLOGIAREKIN HARREMANA IZAN DAITEKE ERE).
5. ADIERAZTEKO ERRAZA IZATEA ETA LUZEEGIA EZ IZATEA.
6. HERRITAR OSPETSU BATEN IZEN PROPIOA EZ IZATEA.
7. GURE GARAIRA EGOKIATUA IZATEA.

Animatu parte hartzera!

San Martin Eskola

Aste Santuko oporretatik bueltan Elkarbizitza Behatokia (Guraso, irakasle, ikasle eta udaleko ordezkariak) elkartu zen eta eskolako izena aukeratzeko prozesua adostu  eta  izena proposatzeko irizpideak zeintzuk izan zitezkeen adostu zituzten.

Prozesua gutxi gora-behera hau izango da:

1. Eskolako izena aukeratzeko irizpideak adostea hezkuntza komunitate guztiaren artean. Irizpide proposamen gehiago jasotzeko epea: Maiatzak 4. 

2. Irizpide horiek kontuan izanda, izen berriak proposatzeko epea zabalduko da: Maiatzak 7.

3. Proposatu diren izenen zerrenda egin. Proposatutako izenek irizpideak betetzen dituztela ziurtatu. Maiatzak 17,18.

4. Eskolako izenen arteko lehenengo botaketa hezkuntza komunitatearen artean . Helburua, izen askoren artean gutxi batzuk aukeratzea izango litzateke.  Maiatzak 26

5. Ekainak 7-11 arteko astean izena aukeratzeko 2. bozketa. Prozesua herriari zabalduko zaio.

Hauek dira momentuz eskolako izena proposatzeko kontuan hartu behar diren irizpideak:

                1.Errespetuzko izena izatea.

                2.Hizkuntza euskara izatea

                3.Bakarra izatea; izen bereko eskola edota elkarterik ez egotea.

               4.Aramaioko testu-inguruaren, herriarekin lotura izatea (natura eta  mitologiarekin harremana                            izan dezake ere.

                 5.Adierazteko erraza izatea.

                 6.Herritar ospetsu baten izen propioa ez izatea.

                 7. Gure garaira egokitua izatea.

Maiatzak 4 arte zabaldu da irizpide gehiago proposatzeko epea. Informazioa web orrian aurkitu dezakezue.

Proposamenak aramaioeskola@aramaioeskola.eus helbidera bidali ditzakezue.

Animatu eta parte hartu!!

Elkarbizitza Batzordea

Apirilak 27, asteartean, hamaikak inguruan Atxabaltatik Kutxa heldu zitzaigun eta San Prudentzio bezpera ospatzekoak ginen. 
Ospakizun xumea izan zen. Lehenengo erretreta abestu eta jo genuen. Ondoren Kutxak zekarren mezua irakurri ondoren gure eskolako kanta eskeini genion Kutxari, bukatzeko lekaixo eder bat entzun genuen.       Ikus argazkiak

Gaur lehen hezkuntza ikasle eta irakasleok Nazioarteko Liburuaren eguna ospatu dugu eskolan. Bi ekintza ezberdin izan dira.

Goizean lehenenego mailatik hasi eta seigarren maila arte, guztiok, ikasle zein irakasle, liburuak hartu eta parkera jeitsi gara. Bertan, ozenki bai ixilean irakurri dugu. Hona hemen argazki batzuk.

Arratsaldean, berriz, Juan Luis Zabala idazlea izan dugu,  5. eta 6. maileta neska mutilak "Zabaleko Txorimaloa" liburuaren inguruan elkarrizketa paregabe izan dute. Ikus argazkiak

Datorren apirilak 26an, arratsaldeko 5etan gurasoei zuzendutako Segurtasun Digitalari buruzko saioa eskainiko dugu, Badakigu denbora oso gutxi ematen dizuegula parte hartu nahi duzuen ala ez pentsatzeko. Hala ere, denboraz oso justu gabiltzan arren aurrera egitea erabaki dugu zabaldu zaigun aukera hau aprobetxatu nahian.

Oraingo honetan landuko diren gaiak hauek dira (oharra atxikita daukazue):

- Sare sozialak eta gomendatutako ezarpenak.
- Delituak eta watsApp-eko erabilera konszientea.
- Desinformazioa, toxizitatea, pribatasun eta erronkak.

Noiz: Apirilak 26.
Ordua: 17:00etatik 18:00etara
Non: Eskolako liburutegian.

Apirilaren 22an ELA, LAB, CCOO, SATSE, ESK eta STEILAS sindikatuek enplegu publikoa egonkortzeko greba deialdia egin du EAEko sektore publiko osorako . Gure eskolan greba deialdiak izango duen jarraipena % 55ekoa izango da.. Ondorioz, egun horretan eskolan hainbat irakasle eta eskolako langile faltako dira. Jangela zerbitzurik ez da egongo .

Besterik gabe, ondo izan.

Zuzendaritza

Apirilak 18, ostiralerako Elkarbizitza Behatokiaren deialdia luzatu zaie bertako kideei. Deaildiaren zehaztasun gehiago nahi izanez gero, hemen klik eginez izango duzue.

Aurreko ikasturtean egin gabe geratu zitzaigun ekintza bat berreskuratuko dugu datorren astean. Izan ere, Juan Luis Zabala idazlea etorriko da ostiralean "Zabaleko txorimaloa" liburuari buruzko solasaldi bat egiteko 5 eta 6. mailakoekin.

Aipatu genuen bezala, asteazkenean Ara!Gorputzeko taldeko Enara eta Jone etorri ziren 6. mailara.
Hilerokoa, harremanak eta gure arteko komunikazioari buruz hitz egin genuen. 
Ikasleak oso gustora eta gauza berri asko ikasi zituztela komentatu zieten.
Egia esan, oso gustura egon ginen, bai!!

                                                      Ikus beste argazki batzuk

Aurreko albiste batetan esan bezala  LH 1, 2 eta 3. mailakoek ZUMITZAren inguruan 2 saio ezberdinetan lan egin dute. 

Lehendabiziko Saioan, zer den, nola erabiltzen den, zer sortu geinke... haurnarketan lanean ibili ziren. (Ikus argazkieen atalean argazki batzuk)

Bigarren Saioan , berriz, berak egindako proiektua, Jolas egitura jasangarria, eraiki zuten.(Ikus argazkien atalean argazki batzuk)

"Hilerokoa lehen aldiz 12 urterekin izan nuen. Banekien zer zen, baina amari deitu behar izan nion, urduri nengoen, ez nekien zer egin."
Horrelako pasadizuak emakume askori entzun diegu. Gure 12 urteko gazteek zer dakite? Zer entzun dute lagunen artean? Eta mutilek? 
Hilerokoaren inguruan hausnartzen laguntzeko Ara!Gorputz taldea izango dugu gure artean. 6. Mailakoekin bai goizean, bai arratsaldean egon dira, eta irakaslegoarekin eguerdian.

Eskolako Guraso Elkarteak duela bi ikasturte Eskolaren izena aldatzearen proposamena luzatu zuen.

Ikasturte honetan Elkarbizitza batzordetik ikasleen ordezkariei proposamen honen berri eman zion. Hainbat haurnasketen ondoren  ikasleek honako  proposamena egin dio Eskola Komunitateari. 

Martxoan Vital Fundazioak antolatutako Segurtasun digitalaren tailerrak oso interesgarri eta  arrakastatsuak izan ziren. Gaiaren interesa sortu dute, eta horrexegatik  6. mailako ikaslego eta gurasoentzako izango dira oraingo honetan Apirilak 29an.

EPEA: urtarrilaren 18tik 29ra.

Matrikula egiteko ekarri beharreko dokumentazioa.

Informazioa eta arautegia Hezkuntza orrian.

Eskolako ordezkariek maila handia erakutsi zuten alkatearekin izandako bileran.

Azaroak 25ean alkateari eskolako patioa hobetzeko hainbat proposamen helarazi zioten gure ordezkariek udalean egin zuten bileran. Atzo, alkatea gurean izan zen ikasleek egindako poprosamenei erantzuteko. Gehiago jakiteko jasotako akta irakur dezakezue HEMEN.

Aurten ere ospatu dugu Euskararen Eguna. Arratsaldean 3 burbuilatan, Haur Hezkuntzakoak gimnsaioan, LHko 1.,2. eta 3. mailakoak eskola azpian eta LHko 4., 5. eta 6. mailakoak frontoi inguruan ibili ginen jolas ezberdinetara. 

Ondoren denok atarpean, berriz ere bakoitza burbuilan zegoelarik "Euskaraldia bertan da" eta "Aho bizi, belarriak" prest kantak abestu eta dantzatu genituen. 

Honen berri azpiko bideoan eta Ikasleen argazkiak atalean daude.

Joan zen astean musika gelan obrak hasi ziren. Obren helburua "erabilera anitzeko" gune bat sortzea da. Gutxi gora behera hilabete bat iraungo dute lanek.

Gaurko jolasaldian 6.mailakoen proposamenarekin bateginez ikasle batzuk gona jantzi dute. Hemen dituzue argazki batzuk.

OSTEGUNEAN NI BE GONAKIN ESKOLARA!!

ANIMA  ZAITEZ!!!!!!!.

PCR-a egin behar badidate JOAN NAITEKE ESKOLARA? 

 Ez, emaitza negatiboa dela jakinik art

 PCR-a egiteko itxaroten ari den pertsonarekin bizi gara, NOIZ ETORRI GAITEZKE ESKOLARA?

1. Eskolara ETOR GAITEZKE, PCR-a egiten itxaroten ari den pertsonarekin bizi bagara eta honek EZ BADITU COVID-19arekin BATERAGARRIAK DIREN SINTOMARIK IZAN. 
2. Eskolara EZIN GARA ETORRI, PCR-a egiteko itxaroten ari den pertsonarekin bizi bagara eta honek COVID-19arekin BATERAGARRIAK DIREN SINTOMAK BADITU.

Edozen zalantza izan ezkero jar harremanetan eskolarekin. Erantzunik ez badugu, edo zalantzak baditugu, zuzenean gure OSAKIDETZAko arduradunarekin jarriko gara harremanetan hauek argitzeko.

Jadanik egin dugu Lehen Hezkuntzako ikaslegoaren lehengo Elkarbizitza Asanblada. Bi taldetan banatu ziren ikasleak. Bertan jasotako iritzi eta proposamenak Ordezkarien bileran partekatu ziren ostiralean. Orain ordezkariek geletan azaldu eta bertako proposamenak Ordezkari bilerara eramango dituzte.

Ikasle guztiei Coronavirusaren azalpena eman eta Eskolan hartu beharreko neurriak zeintzuk diren azaldu dizkiegu. Etxean ere halako neurriak hartzea eskatzen dizuegu. 

CORONAVIRUS izateko arriskuen aurrean, PREBENTZIOA.

Neurriak:

1.      + Etxean, bazkal aurretik eta ondoren, eskuak garbitzea.
2.      + Etxetik eskolara irten baino lehen tenperatura hartu eta dezima bat izanez gero, etxean gelditzea.
3.      + Eskolara eskuak garbituta etortzea.

Datorren martitzenean, otsailak 25a, eskolako Karnabal edo Inauteri eguna ospatuko dugu. Aurten aukeratu dugun gaia NATURAREN SUPER-HEROIAK izan da.

Informazio gehiago hemen klikatuz

MATRIKULAZIO EPEA ZABALIK: URTARRILAren 27tik OTSAILAren 7ra

Informazio gehiago EUSKO JAURLARITZAREN orrialdean

URTARRILAK 29an, ATE IREKIAK  18:00etan. ETOR  ZAITEZTE  !!!

5.mailako ikasleek Donostiako Eureka Museoan egon ziren. Bisitaldiaren argazki batzuk dituzue hementxe

Urtero bezala, aurten ere 6.mailako ikasleok etxean egindako tartak saltzen aritu gara. Tarta ekarrri eta erosi duzuen guztioi, ESKERRIK ASKO.

Badator 12. saioa.

NOIZ? Urtarrilak 24an.

NON? Hurrengo oharrean esango dizuegu.

Denok dakizuen moduan aurten Tailerrak egiten hasi gara adin nahastuekin. Hemen dituzue hasieraren argazki batzuk.

Joan zen ostiraleak, urriak 4, Alaiak abesbatzak eskolako Haur hezkuntzako eta Lehen zikloko ikaslegoakin batera "Maritxu nora zoaz" kantatu zuten.

Fernando Morillo idazlearen "MADDI ETA EUSKAL SORGINAK" ipuina irakurriz egindako saioaren bideotxoa.

Ekainak 11, ostiralean, Beheko burbulaiko ikasleek ikasturteko azken txangoa egin zuten.

Lehenengo, autobua hartu eta Azpeitiraino joan ziren, han Trenaren Museoa ikusi zuten. Azpeitin autobusa hartu eta Getariara joan ziren.

Getarian hamaiketakoa azkar azkar jan, eta itsasoan urteko lehendabiziko bainua hartu zuten.

Itsasoari begira bazkaldu zuten, eta autobusa hartu aurretik izozki zoragarru bat hartu ere.

Ikus egun horretako argazkiak.

Ekainak 11, ostiralean Goiko Burbuilekoek ere ikasturte bukaerako txangoa egin zuten.

Oraingo honetan Motrikura joan ziren. Lehengo Nautilus Museo eta Interpretazio zentrua bisitatu zuten. 

Aguro, aguro bazkaldu eta bertako igerileku naturalean igeri eta saltoka ibili ziren. Hauek ez zuten izan denborarik izozkia jateko, orduan aste honetan jan dute.

Ikus egun horretako argazki batzuk.

Aste honetan bisita berezia izan dugu. Anitzen aita, Ekaitz etorri da gure gelara bere lankide batekin eta beraien lanbideari buruz hitz egin digute.
Suhiltzaileen egunerokoa, eginbeharrak eta bizi izandako esperientziak partekatu zituzten gurekin.
Mangerarekin "praktikak" egiteko aukera ere eman ziguten...
Zoragarri pasa genuen. Ikus argazkiak
Mila esker bikote!!